Yn wan jurip ka Myntri ka tnad ka Koit ka Khiah iaka jaka sumar ha Laskein

Syllad | The Rising MeghalayaAugust 5, 2023

Ka Myntri ka Tnad ka Koit ka Khiah Kong Ampareen Lyngdoh kala kular iaka Jaintia Students’ Union (JSU) ban kan wan jurip Laskein CHC.

U president ka JSU Laskein Block Circle Dapmain Suchiang ula iathuh ia kane hadien ka jingwan iakynduh iaka Myntri kong Ampareen haka sngi Palei.

Ula ong baka kong Ampreen kala kular ba kan wan jurip iaka jaka sumar haka jingiadonlang u MLA ka thain ma Nujorki Sungoh.

Une u nongialam ka JSU ula ong ba ula ioh ban pynsngew hakhmat ka myntri iaka jingeh jong ki paidbah nongshong shnong ka Block Laskein, ha kaba iadei bad ka jingbymbiang ka rukom ai jingshakri ka Laskein CHC. Ula ong naka por sha ka por kila ioh iaka jingujor bym ju don doktor khamtam haka por mynmiet ba donkam ban ioh jingsumar kyrkieh la hap rah beit iaki nongpang sha Jowai Civil Hospital ne Shillong.

Nalor kata, la pynsngew ruh haka myntri ha kaba iadei bad ka jingbym wan biang por ki nongtrei. Kane ka jaka sumar jin dala biang ka jingshakri jong ka, kan ai ka jingmyntoi kaba khraw ia ki briew kiba duk bad bun kiba im sha khappud Assam kiba shem jingeh haka lynti syngkieng kaba jngai bad kaba sniew.