Yn ujor ki MDC liang pyrshah ïa u Dy. Chairman JHADC ba pynkhein hukum ka court

Syllad | The Rising MeghalayaNovember 28, 2019

JOWAI: U Ma Andrew Awhai Shullai ula ong ba u Deputy Chairman Jaiñtia Hills Autonomous District Council (JHADC) ma Ailad Bhoi ula pynkhein ïaka hukum jong ka ïing bishar Meghalaya High Court hadien ba ula pynkut kyndit ïaka dorbar khlem ai lad ban ïakren haka Dorbar Tlang kaba long haka sngi Palei.

Ka ïing bishar haka jingshong bishar ïaka mukotduma MC[WP(C)] No. 258 of 2019 haka sngi Balang namar bym pat kut ka Mukotduma katkum ka WP(C) No. 383 of 2019, kala khang ïa u Chairman ka konsil ban pyniaid dorbar kaba u la khot haka 28 tarik Naiwieng bad la khang ruh ïa u ban treikam kum u Chairman tad haduh bala kut ka mukotduma WP(C) No. 383 of 2019.

Ka iingbishar kala rai ba u Deputy Chairman un pyniaid ïaka dorbar kaba la khot u Chairman kaba ym dei ban pynthud ïa kane ka dorbar.

Also Read: Nga klumar ïaka hukum jong ka Meghalaya High Court bad ngan‘Prorogue’ ïaka Dorbar Tlang: Ailad Bhoi

Hadien ba u la wai ka dorbar ki MDC jong ka liang pyrshah kila kren bynniaw halor ka jingpynkut kyndit u Deputy Chairman ïaka Dorbar Tlang ka JHADC.

“Ngin ujor sha ka ïingbishar halor kane ka jingpynkut jyndat u Deputy Chairman ïaka dorbar khlem da ailad ïa ngi ban kren eiei wat hapdeng ba bun ki mat bala wanrad ban ïakren hapoh kane ka dorbar. U Deputy Chairman um sngewthuh ïaka kamram jong u bad kumno u ong ba u klumar ïaka rai jong ka High Court haba ka hukum ka kren shai kdar ba u dei ban pyniaid 9aak dorbar bad ngim banse ban ujor ïa kane sha ka iingbishar,” la ong ma Andrew.

U Ma Lakhon Biam ula ong “Ngi la pynkhreh bun tylli ki motion ban iakren bad ban iatai halor ka policy treikam jong ka EC, hynrei ka jingpynkut jyndat iaka Dorbar da u Dy Chairman kala pynpulom ïaka jingthmu jong bad namar ba u Dy Chairman um sngewthuh iaka bor ka bha ba un hiar noh na katei ka shuki.”