Yn tei noh iaka Shillong Peak Ropeway Project haka dor kaba T.138 klur

Syllad | The Rising MeghalayaJanuary 16, 2023

Ka tnad Tourism jong ka Jylla kan sdang noh iaka Shillong Peak ropeway project bad kan tei iaka lynti iaid na Shillong Viewpoint (Upper terminal) sha ka Forest Nursery kaba hap ha Riat Laban (Lower terminal).

Kane ka Ropeway Project ka dei kaba nyngkong eh ha Jylla Meghalaya bad yn tei haka ka jaka kaba heh 1.34 Hectares haka jinglut kaba 138 klur tyngka.

Kane projek ka kynthup iaka Lower Terminal Point (LTP), lyngba ka Forest Nursery Riat Laban haka jingheh kaba 11146.96 squre metre kaba jrong 838 metre na sla duriaw

Kan don ruh ka station, ka hall, ki jaka shna ropeway ka jaka die ticket, Office, Store Room, Security Room, Waiting Area, Public Convenience, ki Parking bad kiwei.

Katba ka Upper Terminal Point (UTP) yn tei haka jaka kaba heh 2025 square metre haka jigjrong kaba 1633 metre na sla duriaw  bad ka don ka Station, hall, jaka die ticket, office ka jaka shna iaki cable car, ka jaka ap, ka jaka die bam bad ki jaka ap ne pynieng iaki kali.

Nalor ki terminal ne station yn tei 9 tylli Towers built haka jaka kaba 251.17 square metre.

Kane ka ropeway ka dei kaba Monocable Detachable System kaba yn kerkut sbak kaba la tip kum ki (Gondola) kaba don iaki jingkhang ban plie hi automatic. Ka rukom shna ka long ba ki tourist kiba shong ha kine ki rope way kin iohi kyndiang iaka sor Shillong.

U Myntri Rangbah ka Jylla Conrad K Sangma ula pyniaid iaka jingialang ban aiti iaka jaka da ka Dorbar Shnong Rait Laban Dorbar Pyllun sha ka tnad Tourism, jong ka sorkar Meghalaya haka sngi Nyngkong ha Shillong Peak ban sdang ia kane ka projek kaba la angnud da ka sorkar MDA.

U Conrad K Sangma haba kren ula ong “ka Tourism kadei kawei na kiba kongsan bha ha Jylla namar ba ka kyntiew bha iaka ioh ka kot bad bad ka lad iohkam iohjam ha ki jaka nongkyndong.

“Ngi la sdang iaka Homestay scheme ha kaba ki don 2500 homestay ha baroh kawei ka jylla. Ngi airuh iaki training ba har rukom sha ki nongseng kam bad ban pyntbit shuh shuh iaka sap ka phong halor ban pdiang iaki nongwan jngoh kai bad ban pyniaid shakhmat ia kane ka kam,” la ong u Conrad

Kiwei pat ki kam ki dei ka jingplie iaki five-star hotels bad ka jingsdang iaka luxury vehicle scheme bad thaw ki lad ki lynti ban aikam da ki hajar ha sor bad nongkyndong ban pynlong iaka jing jngoh kai ha jylla kaba kynjai na kiba kynjai tam ban ia kiwei ki jaka.