Yn shna noh iaka surok Sonapur Borkhat haka jinglut T.126 klur

Syllad | The Rising MeghalayaFebruary 8, 2022

U Deputy Chief Minister ka Sorkar Jylla Bah Prestone Tynsong haka sngi ba ar ula pynbna ba yn shna noh shen iaka surok  Sonapur Borkhat haka jinglut kaba T.126.88 Klur.

Ia kane ka surok kaba la sahteng la bun bun snem yn shna lyngba ka skim North East Road sector Development Scheme (NERSDS) kaba hap hapoh ka Ministry of DoNER.

U Bah Prestone ula iathuh ia kane haki nongialam ka JAC ba kynthup iaka Dorbar Shnong Hingaria, Huroi, Lahalein & Lejri bad ula pynpaw ba ka jingbuh mawnongrim ban sdang shna iaka surok kan long ha u bnai Iaiong 2022 bad ha ka juh ka por la dep khot ruh iaka tender bad la mang ban trei pyndep hapoh ar snem.

Ka JAC kala pynpaw ka jingsngewnguh iaka sorkar MDA kaba la sngap iaka jingud jingnam u paidbah bad da ka jingshna ia kane ka surok kan kyntiew iaka roi ka par jong kine ki shnong

Ha kane ka jingiakynduh ka JAC ia u Bah Prestone la iadonlang ki nongialam shnong ka Huroi, Lahalein, Lejri bad Hingaria La synranlang ruh da u MLA barim ka Sutnga Saipung ma Hopeful Bamon, Defender Pakem Kynjaimon Amse, nongai buit ka JAC, Raja L Suchen Secretary, JAC.