Yn shimti biang u Garod LSN Dykes kum u DC ka West Jaiñtia, ka Kong Matsiewdor DC East Khasi

Syllad | The Rising MeghalayaMay 31, 2019

JOWAI: Ka sorkar Jylla mynta ka sngi kala pynmih ïaka hukum ban pynkynriah kam ïa u DC ka West Jaiñtia Hills District bad ka East Khasi Hills District.

Katkum ka hukum bala pynmih ka sorkar Jylla, u DC barim ka West Jaiñtia Hills u Ma Garod LSN Dykes IAS, uba shah pynkynriah hashuwa ka elekshon Lok Sabha kum u Joint Secretary jong ka tnad Education ula shah pynkynriah biang bad un wan ban shimti biang ïaka shuki Deputy Commissioner West Jaiñtia Hills District.

Kumjuh ruh ka Kong Matsiewdor War Nongbri IAS, ka Additional Secretary jong ka tnat Secretariat Administration kala shah pynkynriah bad kan shimti biang ïaka shuki Deputy Commissioner East Khasi Hills District.

U CP Gotmore IAS, DC West Jaintia Hills ula shah pynkynriah bad un shimti ïaka shuki Secretary jong ka tnad Education jong ka Jylla.

U Abhishek Bhagotia, IAS uba long u DC ka East Khasi Hills District bad u Commissioner ka Taxes ula shah pynkynriah bad un shimti biang kum Secretary jong ka tnat Secretariat Administration Department. U Abhishek Bhagotia un bat ruh ïaka shuki Commissioner of Taxes, Commissioner Excise bad Secretary ka tnad Excise, Registration, Taxation & Stamp Department.