Yn sdang noh ka 3rd Div Football ka EJHDFA

Syllad | The Rising MeghalayaJune 27, 2025

Ka East Jaintia Hills District Football Association (EJHDFA) kala pyntip ba kan sdang noh iaka lympung ialehkai 3rd Division League ha ka taiew ban wan ha madan artificial turf ha Diengshynrum, Khliehriat.

U Tournament Secretary EJHDFA Ma Embhah Lamurong ula pyntip ba ha kane ka kynti la don 38 tylli ki kynhun bad la phiah ha ki 16 tylli ki Pool.

Ula pyntip ba ki nongjop na kawei pa kawei ka pool kin rung shaka ka Round-16 (Knockout Stage).

Haka sngi sdang ka jingiakhun kan long hapdeng ka Teilang SCSC Lummyrli pyrshah iaka Narwan SCSC haka por 11.00 baje mynstep, ka Mookhep SCSC pyrshah iaka Youngstar SSC Huroi haka por 1.00 baje mynsngi, katba ka Tongseng Youth SYSC pyrshah iaka Umlong SCSC haka por 3.00 baje nohphai sngi.