Yn sdang noh ka 1st Division Football ka EJHDFA

Syllad | The Rising MeghalayaSeptember 5, 2025

Ka East Jaintia Hills District Football Association (EJHDFA) kala pyntip ban kan sdang noh ia ka 1st Division Football League haka 8 tarik Nailur ha madan artificial turf Diengshynrum, Khliehriat.

Ki don 16 tylli ki kynhun ialehkai kiba kynthup: Byndihati CSC, Ladrymbai Dongwah SWSC, Pamrakmai SCSC, Musniang SC, R. Madanpynriang SC, Sutnga Mission SSCC, Khliehriat West YWSC, R. Iawpynsing SC, Rngad SCSC, R. Wahshnong SC, Bataw YWSC, R. Synrangshahkhain SC, Mukhaialong SCSC, Wahiajer Narpuh SSC, Iatyllilang SC Hingaria bad Jalyiah United SC.

Ka jingialehkai kan sdang haka 8 tarik Nailur hapdeng ka Byndihati CSC pyrshah iaka Rymbai Wahshnong SC haka por 12.00 baje mynsngi, bud sa ka jingialehkai hapdeng ka Ladrymbai Dongwah SWSC pyrshah iaka Rngad SCSC haka por 2.15 baje nohphai sngi.