Yn sdang Morning Section ha Govt Boys’ HSS Jowai

Syllad | The Rising MeghalayaNovember 16, 2021

U Joint Director School Education, & Literacy, West Jaintia Hills District ula pynbna paidbah ba ka tnad pule puthi kan sdang iaka Morning Section ha Government Boys’ Higher Secondary School, Jowai na ka bynta ki Class XI Arts naduh ka 16 tarik u Naiwieng (November) 2021.

Ha kaba iadei bad kane u Joint Director ula pynbna ba ki khynnah skul kiba bym pat ioh admission na ka bynta ka Class XI Arts ki lah ban leit shim iaki form na ka ophis Principal Government Boys’ Higher Secondary School Jowai naduh ka 18 tarik Naiwieng 2021.

Ia ki phorm kiba la pyndap dei ban pynpoi hashuwa ka 26 tarik Naiwieng 2021 sha ka ophis Principal Government Boys’ HSS, West Jaintia Hills District.

Kumban shu pynkymaw ba dangshen ki sengbhalang ba kynthup iaka Jaintia Youth Federation (JYF), Jaintia Students’ Movement (JSM) bad ki khynnah ba duh admission ha Kiang Nangbah Government Higher Secondary School kila tur sha ka ophis u Joint Director ban dawa ban pynioh admission ia kiba bym pat ioh klas.

Kine ki seng kila pynlong iaka jingiaid paidbah kaba poi sha ka tyndong skhor jong ka sorkar ha kaba wat u Myntri Rangbah ka Jylla ruh ula kubur ba ka don ka jingduh admission dei halor kane kaba la pynbor iaka tnad pule puthi ka sorkar jylla ban sdang ia kane ka Morning Section ha kane ka skul.