Yn sdang ka NCSC Jowai ia ki coaching bad skill training na ka bynta ki SC/ST naduh u Naitung

Syllad | The Rising MeghalayaJune 2, 2025

Ka National Career Service Centre for SC/STs, Jowai, kaba treikam hapoh ka Tnad Labour & Employment, Sorkar India, ka la pynbna ia ka jingsdang ia ki prokram Stipendiary Training ba shi snem ba ioh ei na ka bynta ki Scheduled Caste (SC) bad Scheduled Tribe (ST).

Ka jingai jingai jinghikai ka ban sdang naduh 1 tarik Naitung 2025, ka thmu ban pynkhreh ia ki kandidet na ka bynta ki eksamin ban ioh kam na ka bynta ki kam clerical-grade.

Ki lai tylli ki prokram ai jinghikai ki kynthup ia ka jinghikai ba kyrpang ha Shorthand kaba shisnem, ka jinghikai computer ‘O’ Level kaba shisnem, bad ka jinghikai Computer Hardware Maintenance (CHM). Ki kandidet kiba shah jied kin ioh ei ia ki tiar pule bad ka stipend kaba T. 1,000-man u bnai.

Ki nongaplai ki dei ban long na ka jaidbynriew SC/ST, ki dei ban don ia ka jingpynrung kyrteng ha ka Employment Exchange, bad ki dei ban don ka jingnang jingstad kaba duna eh kaba long Higher Secondary (+2), ka rta ka dei ban long hapdeng 18 bad 30 snem kat haduh ka 1 tarik Naitung 2025, bad ka jingkamai jong ka longïing kadei ban long hapoh ka T.3,00,000 shi snem.

Ki kandidet kiba don jingthmu ki lah ban aplai online ha ka www.ncs.gov.in lane offline ha ka Centre hapoh ka 15 tarik Jylliew, 2025. Yn ai tang kawei ka course ba la jied katkum ka jingbit jingbiang bad ka jingdon jong ki jingai jinghikai.

Ki aplikeshon ki dei ban kynthup ia ki kopi ba la pynshisha hi dalade jong ki kot ki sla ba iadei bad ki jingpule, ki kot pynshisha ia ka caste bad ka ioh ka kot, ka Aadhaar card, bad ka card pynrung kyrteng jong ka Employment Exchange. Yn nym ai TA/DA na ka bynta ka jingleit thoh eksamin lane jingpynshisha ia ki kot ki sla. Na ka bynta ki jingtip ba bniah, leit sha ka Centre ha ki por long trei.