Yn sam ia u khaw iohei NFSA ha EJH & WJH

Syllad | The Rising MeghalayaJanuary 19, 2023

Ka sorkar India lyngba ka tnad Food Civil Supplies and Public Distribution kan sam ia u khaw iohei sha ki nongioh myntoi uba hap haka National Food Security Act kiba kynthup iaki AAY bad PHH na ka bynta shisnem katta naduh 1 tarik Kyllalyngkot haduh 31 Nohprah 2023.

Ia kine ki khaw, ka tnad supply jong ka East Jaintia Hills bad West Jaintia Hills kala pyntip ba  ia kine ki khaw yn sam ha baroh ki Fair Price Shop Dealer naduh u bnai Kyllalyngkot (January) haduh u Nohprah (December) 2023.

Baroh ki nongioh myntoi ne ki AAY bad ki PHH ban leit shim ia u khaw ha ki dukan die rashon bad kim donkam siew eiei.

Shuh shuh u Deputy Commissioner ( Supply), West Jaintia Hills ula pynbna ba u khaw NFSA (AAY and PHH) bad Non- NFSA na ka bynta u bnai Kyllalyngkot (January), 2023 la pyllait sha baroh ki wholesalers ban pynpoi sha ki Fair Price shop centre naduh 6 tarik Kyllalyngkot, 2023 haduh 20  Kyllalyngkot, 2023.

U khaw Antyodaya Anna Yojna (AAY) yn sam haka jingkhia kaba 35 kgs kawei AAY FI bad une u khaw u dei uba ioh ei la ha sor ne nongkyndong.

U bhah khaw Priority Household (PHH) haka jingkhia kaba 5 kgs shi khlieh bad ym donkam siew pisa la ha sor bad nongkyngdong

U khaw Non-NFSA pat haka jingkhia kaba 7.215 Kg kawei ka longiing haka dor kaba la buh da ka Vigilance Committee bad ym dei ban tam palat iaka T.14 per Kg ha sor ne nongkyndong.

Ha Amlarem Sub Division ruh la pyllait ia u khaw NFSA (AAY & PHH) bad Non NFSA na ka bynta u bnai January. U Khaw AAY haka jingthew kaba 35 Kgs kawei ka longiing bad PHH pat 5 kgs shikhlieh briew. Kine ki khaw ki dei kiba iohei bad ym donkam siew pisa.

Ka bhah khaw Non-NFSA pat haka dor bym dei ban palat iaka T.14/- shi kilo.