Yn register ia baroh kiba wan shongwai, trei bylla & iaki dukan: Dorbar Shnong Ladrymbai Dongwah

Syllad | The Rising MeghalayaJuly 2, 2020

Ka Dorbar Shnong Ladrymbai Dongwah, East Jaintia Hills District kala pynmih iaka jingpynbna paidbah bad kala bthah ia baroh ki briew kiba shongwai, kiba shong die dukan, kiba trei bylla bad kiba trei ia kano kano ka kam (business) ban register ialade haka dorbar shnong.

Ka Dorbar Shnong kala maham ba kino kino ki bym register ialade hadien ba la pynmih ia kane ka jingpynbna kin shah pynshitom katkum ka ain shnong.

La kyrpad ruh ia ki trai iing baroh ba kin sngewbha ban pyntip sha ka Shnong ia kiba wan sah wai ha ki iing lane dukan jong ki.

Ia kane ka rai ka dorbar shnong kala pyntreikam naduh mynta ka sngi.