Yn pyrkhing ia ki kali ha ka thain Polo namar ka ‘Durand Cup’
Ki bor pulit pyniaid kali jong ka East Khasi Hills District kila pynmih ia ka jingpynbna ha ka 30 tarik mynta u bnai ha kaba iadei bad ka jingpyrkhing ia ka leit ka wan jong ki kali khamtam ki kali heh naduh ka por 1:00 baje mynsngi ha ka thain Polo, Shillong ha ka 2 tarik, Nailar, 2024, namar ka jingplie ia ka lympung ialehkai phutbol Durand Cup 2024 ha madan JN Complex, Shillong.
U Superintendent of Police (Traffic) u K Prasad u pyntip ba yn ym shah iaid ia ki kali naduh Lum Jingshai lyngba ka surok kaba lam shapoh ka ktem jaka shong jong ki CRPF ha Polo.
Kumjuh la khang pyrshah ruh ia ki kali ban iaid lyngba ka surok na Lum Jingshai sha Forest Colony hynrei ki kali kin hap ban iaid lyngba ka surok shnong Lawmali bad Iew Polo.
Shuh shuh la khang pyrshah ban pynieng kali ha shilynter ka surok ha ka thaiñ Polo naduh ka por 11:00 baje mynstep tad haduh ban da kut ka jingialehkai. Yn ym shah ia ki kali ban pynieng harud surok naduh Golf Club ter ter shaduh CRPF Camp.
La khang pyrshah iaka jingiaid ki kali heh ha ka thain Polo ha ka 2 tarik Nailar.
Ka tnat Pulit ka kyntu ruh ia ki paidbah ba kin shong da ki Car Pool Lane ki Taksi kamai lada ki thmu ban leit sakhi ia ka jingialehkai phutbol ha madan JN Complex. Yn pyllait tang ia ki kali kiba don pass bad emergency service.
Facebook
Instagram
Youtube
Twitter
Leave a Reply