Yn pynthaba biang da ki light khrik khirk iaka shnong Moolamylliang

Syllad | The Rising MeghalayaDecember 15, 2021

Sa shisien ka dorbar shnong Moolamylliang ban lehkmen iaka Christmas kan pynthaba biang da ki light khrik khrik ia baroh kawei ka shnong, kumba la leh ha u snem bala dep.

U waheh shnong Moolamylliang ma Apmon Pachiang, ula ong ba ia kine ki light khrik khrik yn plie paidbah haka 18 tarik une u bnai da u James PK Sangma myntri sorkar uba dei khmih iaka tnad ka koit ka khiah.

Haka 23 tarik pat kan don ka Christmas Concert kaban tem da ki kynhun tem na Jowai bad Rymbai ba kynthup iaka Revive Band bad ka Sweet String Band, la iathuh u ma Pachiang bad bynrap ban kan don ruh ka jingpynkhreh iaka bam ka dih da ka CTC Orchid Inn ha katei ka sngi.

Nakaliang ka shnong Moolamylliang ka khot bad wer sngewbha ia baroh ban wan sha kane ka jinglehkmen.