Yn pynshitom ka Dorbar Shnong Ladthadlaboh ia kiba leh pyrshah iaki adong shnong

Syllad | The Rising MeghalayaDecember 28, 2020

Ka Ladthadlaboh Dorbar Shnong, Jowai ryngkat ki VDP Shnong kala maham pyrshah ïa kino kino ki briew la kidei ki trai shnong ne kiba nabar shnong kiba shong dih kyiad, kiba bret pathar ïaki ñiut ki jakhlia, kiba shong dih bhang, drugs kiba nongdie drugs bad kiwei kiwei ki jait jingdih pynbuaid kumjuh ki ba leh ïaki kam awria khlem akor, kiba kren sih kren sang hapoh u pud u sam jong ka Ladthadlaboh Dorbar Chnong, Jowai naduh Thluwania haduh Lad Nartiang (Lad Kiang Nangbah Govt. College) kynthup ia ki kyntoit Dong baroh jong ka Ladthadlaboh.

Lada lap ïa kino kino kiba leh pyrshah ïa kine ki jingmaham kin shah pynshitom katkum ki aiñ shnong bad ki bor aiñ sorkar.

Kane kadei kum ka jingpynkynmaw bad jingpyntip ïa baroh ki paidbah ban ïatreilang bad ka Shnong na ka bynta ka shong suk shong saiñ haka imlang sahlang.