Yn pynlong ka Raliang Elaka Arts & Cultural Organisation iaka iadaw masi rong bad pynkup burom iaki samla ba pass bha

Syllad | The Rising MeghalayaJuly 15, 2024

Ka Raliang Elaka Arts & Cultural Organisation kumba juh leh manla u snem kan pynlong iaka tamasa iadaw masi rong haka 27 tarik Naitung.

Kane ka iadaw masi ong ka long shibynta ka jingiakynduhlang ki khun nongrep jong ka Elaka Raliang ha Laskein (Madan Pamsna). la kane ka Tamasa la juh pynlong shisien shi snem naduh ki longshwa manshwa jong ngi hadien ba ki khon ki raiot jong ka Elaka ki la dep ban bet ban thung ia la ki symbai ki phniang sha la ki lyngkha risa jongki, ong u Dolloi Elaka Ma Chawas Lyngdoh uba long ruh u adviser ka Raliang Elaka Arts & Cultural Organisation ha u kyrwoh.

Ha kane ka juh ka sngi ban pynphuh pynphieng ia kane ka tamasa kin don ki jingialehkai ba bunjait kum Ka Shad Tynrai, latan Tyllai, Flat Race, Phet Nangsiang, Lai Ken Ken shken bad Express Lucky. Yn sam ruh iaka khusnam Academic Award-2024 ia ki Khynnah Skul napoh Elaka Raliang kiba ioh heh mark duh (Highest Marks) ha ka Examination-2024 ha ki kyrdan SSLC (Class – X) & HSSLC (Class XII) kynthup iaka Arts, Science & Commerce Stream. La kyntu iaki samla pule ban pynpoi (submit) iaki Mark Sheet ha ne shwa ka 20/07/2024 ha Ophis U Dolloi, Elaka Raliang (C. Lyngdoh).