Yn pynlong Inter School Athletic Meet 2022 ha Jowai

Syllad | The Rising MeghalayaApril 13, 2022

Hadien bala pynpep iaka Inter School Athletic Meet (ISAM) 2022 ha u snem 2020 bad 21 na ka daw ka jingwan lynsher ka khlam COVID-19, ka ophis u DSO, West Jaintia Hills kala pynbna ban pynlong ia kane ka sports meet ha u bnai Jymmang (May).

Kane ka lympung ialehkai ki khynnah skul kan sdang naduh 11-13 tarik u Jymmang ha Kiang Nangbah Stadium na ka bynta ki kynthei bad shynrang haka kyrdan Under-14,  Under-16  and  Under-18. 

Ka jingot snem (cut off  year) kan long naka bynta Under – 14 Age Group  kim dei kiba kha ha shuwa 30-11-2008 ne hadien ka 29-11-2010 . Under – 16 Age Group kim dei kiba kha shuwa ka 30-11-2006 lane hadien 29-11-2008 bad Under – 18 pat kim dei kiba kha shuwa ka 30-11-2004 lane hadien 29-11-2006

Ka jingialang ki nonghikai, kiba mihkhmat iaki skul bad ki official kan long haka 26 tarik Iaiong haka por11 ha ophis u DSO, Jowai. Ka jingjurip (Screening) iaki nongialehkai kan long 28 Iaiong (April) 2022 naudh ka 9 am haduh 4 pm  ha ophis treikam u DSO, Jowai.

Baroh ki athelete ki dei ban wanrah ryngkat bad ki Original Birth Certificate kiba la ioh na C.E.O, Municipal/CHC/PHC haka screening.

Yn ym pdiang ia kiba wan ai kyrteng hadien ka screening bad la kyntu ia baroh ki nongialehkai ban wanrah kawei dur passport jong ki Athlete.