Yn pynlong iaka Fit India Freedom Run bad National Unity Day Run ha Jowai

Syllad | The Rising MeghalayaOctober 27, 2023

Ka ophis u Deputy Commissioner, West Jaintia Hills District ryngkat ka jingiatreilang ka ophis u District Sports Officer, West Jaintia Hills District, Jowai haka 31 tarik Risaw kan pynlong iaka jingiakop mareh kaba tip kum ka Fit India Freedom Run 4.0 bad National Unity Day Run, 2023 (Rashtriya Ekta Diwas) na ka bynta ki khynnah shynrang bad kynthei.

Kane ka jingiakop kan sdang na Main Gate Kiang Nangbah Stadium bad iaid lyngba iaka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong, Pamhadem, Panaliar (Civil Hospital), Iongpiah, Mission Compound, H.K.Singh School, D.C Office, New Hill, National Highway bad pynkut biang ha Kiang Nangbah Indoor Stadium.

Ban register iaki nongwan iashim bynta kan long ha Kiang Nangbah Indoor Stadium, Jowai haka por 5:30 baje mynstep bad ka jingmareh kan sdang haka por 6:00 baje mynstep.

U District Sports Officer, West Jaintia Hills District, Jowai ula khot la wer khynnah bad samla kiba napoh ka District ban wan iashim bynta ha kane ka jingiakop bad ka khusnam sha ki nongjop kan long da ka song pisa.