Yn pynkyntang Lyngdoh ia u DN Kyrshanbok Pohchen haka 29 tarik Nohprah ha Nongtalang

Syllad | The Rising MeghalayaDecember 26, 2024

U Dikon Kyrshanbok Pohchen CMF, u khun jong u Bah Stephan Bareh bad ka Kong Rita Pohchen naka Shnong Nongtalang yn pynkyntang lyngdoh ne Phadar ia u haka 29 tarik Nohprah 2024 St. Joseph’s Catholic Church, Nongtalang.

Ia ka jingkyntang Lyngdoh Sohblei yn pyndep da u Bishop ka Jowai Diocese, u Most Rev Ferdinand Dkhar DD.

La kha ia u Kyrshanbok ha ka 28 tarik u Rymphang 1996 ha Jowai. U dei u khun ba nyngkong na ki hynriew ngut shipara (4 shynrang bad 2 khynthei).

Jingpule:

U la sdang ia ka jingpule ha ka Shnong Nongtalang Shnongthymmai L. P School, Class KG haduh class IV, na Tpep Pale Secondary School, Jowai.

Nangta ula bteng iaka jingpule Class V, na ka Syiem Jingsuk Secondary School, Amlarem bad Class VI haduh SSLC, na Marian Hills Higher Secondary School, Jowai.

Naduh dang khynnah u don ka jingthrang ban long u shakri jong U Blei. Ha ka por ba u dang pule ia ka class VII, U Blei U la pasiaw ha u lyngba ki paralok jong I ban ia shim bynta ha ka General Vocation Camp. U la iai ri ia kata ka sur kaba i la ioh sngew ban long u shakri jong U Blei bad dei ha u snem 2013 u la pyniasoh ialade bad ka jing ia syllok Claretian, ha St. Claret Seminary Umsning

Jingpule pynkhreh ban long ‘Riewniam:

Ula pule iaka kyrdan Class XI bad XII, na St. Michael’s Higher Secondary School, Umsning (2013-2016). Iaka Bachelor of Philosophy (B.Ph), Claretian Ashram College of Philosophy, Wardha, Maharastra. Bad ka Bachelor of Arts ( B.A), na New Arts, Commece and Science College, Wardah, Under Rajtrasan Tukodoji Maharaj Universty, Nagpur, Maharastra (2016-2019).

Iaka Regency lane practical training kum u brother assistant ha Mary Queen of the Holy Rosary Church Dangar Parish, Shillong Diocese, (2019-2020) bad Pre-Novitiate na St. Claret Nongmensong (2020).

Ka jingpule iaka kyrdan Novitiate na Claret Bhavan, Carmelaram Bangalore (2020-2021) bad la shim ia ka jingsmai ba nyngkong kum u riewniam ha ka 31.05.2021 ia kaba la pynsmai da I phadar Rev. Sabu Koottarappallil Cmf, Provincial  jong ka Bangalore Province. 

Jingsmai ba khatduh ha Immaculate Heart of Mary Parish Mawpat, Shillong, ia kaba la pynsmai da I phadar Rev. Joseph Mappilaparambil, Provincial jong ka North East India Province. (31-05-2024), ka kyrdan Bachelor of Thology (B. Th) na Oriens Theological Institutes, Mawlai, Shillong (2021-2024).

U la shah pynkyntang Dikon ha ka 21 tarik u Bnai Naitung, 2024 hapoh Oriens Theological Institutes, Mawlai da u Most Rev. Linus Neli, Archbishop jong ka Imphal Archdiocese.

Ka kyrdan Deoconate Ministry ha Presentation Parish, Nonghyllam – Nongstoin Diocese.

U la jied ia ka ktien im sngi “Shwa ba yn kha ia phi Nga la pynkyntang ia phi” (Jeremiia 1:5).