Yn pynkup burom ka Seiñ Kur Dkhar ia ki khynnah ba pass top 20 bad  kiba jop ha ki jingiakhun ba wanrah nam

Syllad | The Rising MeghalayaJuly 31, 2023

Ka Seiñ Kur Dkhar East Jaintia Hills District (SKDEJHD), ha  u kyrwoh ba la phah da  ki nongialam jong ka,  u president, Teras Dkhar,  bad u adh. general secretary, u M H Dkhar, ka pyntip paidbah, ba ha kine ki bnai ban wan kan pynkup burom ia ki khynnah pule  jong ka Seiñ Kur Dkhar East Jaintia Hills District, kiba la pass ha ka kyrdan “Top 20” ha ki  ki eksamin Class-X bad Class-XII  lane ia kino kino ki eksamin ha ki kyrdan jingpule jong ki, kiba ia ryngkat kyrdan bad ka Class-X bad Class-XII,  kiba dei ki jait eksamin kiba la ithuh da kano kano sorkar jylla lane ka sorkar India.

Ka Seiñ Kur Dkhar East Jaintia Hills District kan pynkup burom ruh ia kino kino ruh ki khun samla jong ka Seiñ Kur Dkhar East Jaintia Hills District kiba la wanrah ia ka nam bad Burom ia ka Kur Dkhar ha East Jaintia Hills District, kata ia kito kiba  jop ha kino kino ki kynja  jingiakhun (Competitions) kum ha ki kam jingialehkai (Sports & Games) bad kiwei kiwei ia kiba la pyniakhun ha ha kyrdan  jong ka state level shaneng da ki bor ba la ithuh da ka sorkar.

Ia katei ka jingpynkup burom yn leh tang ia kito ki ba la pass bad ki ba la jop ha kitei ki kyrdan ba la kdew haneng ha u snem 2022 bad 2023, bad ruh ba ia kane yn leh tang ia ki khynnah pule bad ki khun samla jong ka Seiñ Kur Dkhar East Jaintia Hills District, kiba dei ki nongshong shnong ba pura jong ka East Jaintia Hills District hi.

Kumta, ha ka jingiadei bad kane, namar ka jingbun palat jong ki Kur Dkhar ha East Jaintia Hills District, ka seng ka kyrpad ia  ki samla pule bad ia ki khun samla jong ka Kur Dkhar East Jaintia Hills District, ba lada don kino kino kiba la poi shatei ka thong jong kitei ki jait jingjop (Winnings) baroh ar ba la kdew haneng, kin sngewbha ban phah ia ki kot ki sla ba donkam jong ki, kiba la dep pynshisha (Attested), kum ki Marksheet (Na bynta ki khynnah skul), ki Certificate, ki Residential Certificate, lem bad kino kino ki kynja jingthoh lane jingpynbna ba la pynbna da ki bor ba dei peit ia kiba kum kita ki jait jingjop (Winnings), kum ka pynshisha halor kiba kum kita ki jait jingpass lane jingjop jong ki.

Ia kitei ki kot ki sla ba la kdew haneng, lah ban pynpoi ha ki ki kti jong kitei ki nongialam jong ka Seiñ Kur Dkhar East Jaintia Hills District, ba la kdew kyrteng haneng, lane da kaba scan shai bha bad sa phah ia ki lyngba ka Email, “[email protected],” lane ha ki WhatsApp Nos., 9615400135/7005208334, hapoh jong ka 14 tarik jong u bnai Nailar (August), 2023.

Na ka bynta bynta ki jingtip ba kham bniah halor katei ka phang ba la kdew haneg, phi lah ban phone ha kine ki Mobile Number: 9615400135 / 7005208334 naduh kapor 10:00 AM haduh 10:00 PM.