Yn pynkup burom ka NPYF iaki khynnah pule kiba pass bha | La pyllait iaki form online

Syllad | The Rising MeghalayaMay 13, 2025

Ka National People’s Youth Front (NPYF), Jaintia Hills Unit, ka la pyntip ba kan pynkup burom ïa ki khynnah skul kiba wan shakhmat ha ki eksamin SSLC, HSSLC, CBSE, ICSE, bad kiwei de ki eksamin.

U State President ka NPYF, Ma Wailadmiki Shylla, u la ong ba ka jingthmu jong kane ka jingïalang ka long ban ai mynsiem bad pynshlur ïa ki khynnah pule ka thain ba kin nang trei shitom haka jingim pule puthi.

U la ong ruh ba ka NPYF Jaintia Hills Unit ka kwah ban ai burom ïa baroh ki khynnah kiba pass, hynrei namar ba kam long kaba suk, kumta la rai ban pynkup burom tang ïa ki khynnah kiba ioh 75% shaneng ha ka HSSLC bad 85% shaneng ha ka SSLC.

La kyrpad ruh ïa ki khynnah kiba ioh kine ki percentage ba kin pyndap ïa ki form ha kine ki link:

• SSLC: https://forms.gle/QJChMhbmR5hN1st58
• HSSLC: https://forms.gle/lobqsjqJjoXvfNvn6

Ki khynnah ki lah ruh ban leit sha ka Instagram bad Facebook page jong u Wailadmiki Shylla bad ka NPYF.

Ka tarik ba khatduh ban pynpoi ïa ki application form ka long shuwa ka 20 tarik Jymmang 2025. Ym ban pdiang shuh ia kino kino ki form hadien katei ka tarik.

Ka tarik bad ka jaka ban pynlong ïa ka jingialang pynkup burom yn sa pynbna hadien.