Yn pynkup burom ka KSU Nartiang iaki samla ba pass bha

Syllad | The Rising MeghalayaJune 26, 2025

Ka Khasi Students’ Union (KSU) Nartiang Circle kan pynlong iaka jingpynkup burom iaki samla pule kiba pass da ka 3rd Maitshaphrang Academic Award kum shibynta ban pynshlur ia ki khun samla ka thain naduh Nartiang haduh Khanduli.

Kane ka jingpynkup burom ka kynthup iaki samla pule naduh ka kyrdan SSLC, HSSLC, Graduate, Post Graduate, bad ruh ki nongialehkai sports kiba la ithuh da ka sorkar jylla.

Kiba lah ban ioh pdiang ia kane ka khusnam ki dei kiba ioh 70% shaneng haka kyrdan SSLC, HSSLC – 65%, Graduate – 60% bad Post Graduate – 60%.

Ka KSU Nartiang Circle ka khot bad wer ia ki samla pule ka thain ba kin shim bynta da kaba ai da ka kopi result lyngba ka whatsapp: President – 7005888195, General Secretary – 9366164518, Education Secretary – 7005813698

Ka tarik ba khatduh ban pynpoi ia ki kot ki sla ka dei ha ka 10 tarik u Naitung 2025.