Yn pynkup burom ka KSU da ka 3rd Mait Shaphrang Academic Award iaki samla ha Jowai

Syllad | The Rising MeghalayaSeptember 5, 2025

Ka Khasi Students’ Union (KSU), Jowai Unit kan pynkup burom ia ki samla ba jop bad pass bha ha ka eksam SSLC bad HSSLC da kaba pynlong ia ka 3rd Mait Shaphrang Academic Award 2025.

Ia kane ka khusnam lah ban apply tang da ki samla na sor Jowai kiba pule ha Jowai lane kiba pule shabar ruh ha kiwei ki skul bad kiba lah ban ioh pdiang ia kane khusnam ka long ia kito kiba ioh iaka 75 percentage shaneng ha ka result SSLC bad HSSLC.

Ki nongapply kin hap ban pynpoi ia ki kot sha ka ophis jong ka KSU ha Salini Colony, Mihmyntdu. Ki kot ki dei ban kynthup:

• Xerox marksheet (1 copy)
• Marksheet original ban pynshisha ia u/ka nongapply
• Phone number jong u/ka nongapply lane jong ki ba ha iing

Ka por ban pynpoi ia ki kot kan long naduh ka 2 tarik haduh ka 14 tarik Nailur 2024. Hadien kane ym lah shuh ban pdiang ia kino kino ki aplication.

Ka jingai khusnam yn pynlong ha ka 17 tarik Risaw 2025, katba ka jaka pynlong yn sa pyntip shuwa ban pynlong iaka prokram

Na ka bynta ki jingtip kham bniah, lah ban phone ha kine ki number:

• Ewani Phawa, President Jowai Unit – 8119010073
• Laymanki Paslein, Education Secretary Jowai Unit – 7005045163
• Nidapoi Shadap, General Secretary Jowai Unit – 9863607377