Yn pynkup burom bad ai award ka Seiñ Kur Dkhar, East Jaintia Hills iaki ba pass bha bad jop haki jingiakop

Syllad | The Rising MeghalayaSeptember 12, 2024

Ka Seiñ Kur Dkhar, East Jaintia Hills District kala pyntip ba kan pynlong iaka prokram pynkup burom sha ki samla pule ba pass bha kiba wan haka kyrdan Top 20 haka eksam Class X bad Class XII lane kiba iaryngkat kyrdan bad kiba ithuh da ka sorkar Jylla bad sorkar India.

Ha kane ka juh ka sngi ka Seiñ Kur Dkhar kan ai iaka award kaba tip kum ka excellence award ia baroh kiba jop ha kino kino ki jingiakop kiba kynthup haka kyrdan state level bad kiwei kiwei kiba wanrah burom iaka kur Dkhar.

Kane ka jingpynkup burom iaki samla pule bad ka jingai award sha ki nongjop ha ki jingiakop yn pdiang naduh u snem 2022, 2023 bad 2024 bad iaka prokram yn pynlong haka juh ka sngi. Kane ka jingpynkup burom kan long tang na ka bynta ki kur Dkhar kiba hap hapoh u pud u ang treikam jong ka Seiñ Kur Dkhar East Jaintia Hills District.

Kumta, la kyntu ia baroh kiba dei hok ban ioh ia kane ka burom kaba la pynkhreh ka Sein Kur Dkhar ban pynpoi iaki kot ki sla naduh ka marksheet (na ka bynta ki samla pule), ki certificate, ki residential certificate ha ryngkat ki jingthoh ban pynshisha ba ai da ki bor ba dei peit.

Iaki kot ki sla lah ban phah ha ki nongialam ka Seiñ Kur Dkhar kiba kynthup ia u President, Teras Dkhar bad Adhoc General Secretary, u M H Dkhar.

Lah ruh ban phah da kaba scan iaki kot ki sla lyngba ka email @[email protected] bad ha kine ki whatsapp number: 9615400135 / 7005208334 shuwa ka 18 tarik Nailur (September).