Yn pyndep iaka jingleh niam Pyneh Rngiew ha u Lum Sohpetbneng

Syllad | The Rising MeghalayaJanuary 28, 2021

Ka Lum Sohpetbneng Komiti, Seng Khasi Kmie lyngba kane ka kyrwoh ka pyntip ba ka jingkiew Pyneh Rngiew ba shisien shisnem sha kliar u Lum Sohpetbneng ba kyntang kan long ha ka 7.2.2021.

Katkum u kyrwoh bala phah da u Rgh F. Kharrubon Secretary Lum Sohpetbneng Komiti Seng Khasi Kmie ula ong na ka daw jong ka jingpyrkhing ki bor pyniaid District kat kum ka Order Memo No. DCRB(GENL)13/2016/Pt-I/126 -A, dated 21.1.2021 na ka Deputy Commissioner, Ri Bhoi Distrct, Nongpoh, la kyrpad ia baroh ki parakur ki parakha ba kin ym sngew ei ei ba ha kane ka kynti ngin ym lah ban iawer paidbah. Ka jingiashim bynta ha kane ka sngi kan long tang da kiba dei ban pyndep ia ka Niam bad kito kiba lah dep jied bad khot ban wan.