Yn plie noh iaka IPD ka Woodland WK Hospital

Syllad | The Rising MeghalayaNovember 21, 2020

Ka Woodland WK Hospital kala pynbna paidbah ba kan plie noh iaka Inpatient Department (IPD) ne ban pdiang noh iaki nongpang ban shah sumar ha kane ka hospital.

Kane ka hospital ka don haka shnong Sabahmuswang, West Jaintia Hills harud ka surok bah NH 6.

U Managing Director, Woodland WK Hospital, u Dr Werlok Kharshiing ula ong ba kane ka hospital kaba 108 jingthiah kala biang nadong shadong ban pdiang iaki nongpang ban shah sumar haka aspatal naduh 24 tarik u Naiwieng 2020.

Kumban shu pynkynmaw ia kane ka hospital la plie paidbah haka 15 tarik Nailur 2020 da u Myntri ka tnad ka koit ka khiah jong ka sorkar Jylla u Bah AL Hek.

‘Kane ka hospital kaba don 108 jingthiah kan ai ka jingshakri iaki paid nongshong shnong ka East bad West Jaintia Hills District.

Ki Doktor kiba don ha kane jaka sumar ki kynthup ia u Medicine, Paediatrician, Surgery bad ENT. Ka Out Patient Department (OPD) kaba kynthup naduh ECG, Endoscopy, X-ray, Ultra Sound (Scanning), Laboratary, ong u Dr Kharshiing.