Yn plie noh iaka iew Bakur, Dawki

Syllad | The Rising MeghalayaAugust 30, 2020

Ka Lamin Dorbar Shnong bad ka COVID-19 management committee kaba peit bad pyniaid iaka iew Bakur, Dawki kala rai ban plie iaka iew haka 2 tarik u bnai Nailur (September) 2020.

U Waheh Shnong Lamin u ma Golden Gashnga, ula ong ba la rai ban plie iaka iew da ka jingpynbeit bad ka SDO Civil Sub- division Amlarem, Kong JU Kharpuri.

U ma Golden ula kyntu ia baroh ki nongwan iew bad ki nongkhaii na kylleng kiba wan ha kane ka iew ban bud iaki kyndon bad ki jingbthah jong ka sorkar ban iada na ka khlam COVID-19.

“Baroh ki nongwan iew, ki nongdie jingdie ki dei ban deng mask, ban kiar na ka jinglum paidbah, ban sait khuid iaki kti bad ban kiar na ka jingbynthiew kat shaba lap ba shem,” la ong u ma Golden Gashnga.