Yn mihkhmat ka Wapung HSS Le Shnong UP bad ka Khliehriat HSS sha ka state level Subroto Cup

Syllad | The Rising MeghalayaJune 30, 2022

Ka Wapung Higher Secondary School, Le Shnong Upper Primary School bad ka Khliehriat Higher Secondary School kin mihkhmat sha ka state level Subroto Cup hadien ba kila ioh khur iaka nam lahduh na East Jaintia Hills District.

Kane kala wan hadien ba kine ki lai tylli ki skul kila jop iaka final ka District Level Inter School Subroto Cup kaba pyniaid da ka ophis ka DSO, East Jaintia Hills kaba long ha madan ialehkai ka Wapungskur haka sngi Balang.

Ka Khliehriat HSS ka kylla long ka lahduh na ki kynthei Under -17 hadien ba kala pynliem 1-0 kol iaka Dkhiah East Secondary School. Ka nam best player la ioh rah da ka Amithies Ramvulmoii jong Dkhiah East Secondary School.

Haba phai sha ka Under*-14 Boys, ka Le Shnong Upper Primary kala jop da ka tie breaker da 3-1 iaka Byndihati Secondary School. Ka jingiakhun haka por kaba la buh kala wai da 2-2 kol. Naka Under-14 ka nam best player kala leit sha u Malki Dkhar.

Katba haka Under-17 Boys, ka Wapung Higher Secondary School kala jop da 1-0 kol iaka Khliehriat Presbyterian Higher Secondary School. Ka nam best playerla ioh khur da u Amassjune Phawa.

U kongsan uba sakhi ia kane ka jingiakhun phainal ki khynnah skul u dei u Myntri sorkar bad MLA ka thain u Kyrmen Shylla, Jagpal Singh Dhanoa (IPS), Superintendent of Police, East Jaintia Hills District ha ka jingiadonlang ki riew rangbah ka thain.