Yn mihkhmat ka Irene bad Dr. Tanvi ia ka Meghalaya sha ka jingiakop “Miss Grand India 2024”
Ka Meghalaya Youth Tourism Development Society (MYTDS) bad Miss Meghalaya Organisation (MMO) ki pynpaw ka jingsngew sarong ban pynbna halor ka jingleit iashim bynta jong ki arngut ki thei bhabriew na ka Jylla kiba kynthup ia ka Irene Dkhar bad ka Dr. Tanvi Marak sha ka rynsan iakop jong ka ri ba la tip kum ka “Miss Grand India 2024”
Ka Irene Dkhar ka dei ka samla kaba la jop teng ia ka Miss Northeast, Miss Meghalaya, bad Femina Miss India Meghalaya, katba ka ka Dr. Tanvi Marak ka dei ka samla ka ba la jop teng ia ka Miss Meghalaya, Miss Sunsilk Northeast, bad Femina Miss India Meghalaya.
Ka ‘Miss Grand India’ kaba la pynlong da ka Glamanand Entertainment Pvt. Ltd., ka dei kawei na ki lai tylli ki jingiakop thei bhabriew ba hehduh ha ri India.
Ka Grand finale na ka bynta kane ka jingiakop kan long ha ka 11 tarik mynta u bnai ha Zee Studio, Jaipur, Rajasthan, ha kaba kine ki ar ngut ki samla na Meghalaya kin ia aireng ban ioh ia rah ia ka pangsngiat jong ka ‘Miss Grand India 2024.’
Kumta ruh na ka liang ka MYTDS bad ka MMO ki pynpaw ka jingkyrmen bad ai khublei kyrpang ia kine ki arngut ki thei bhabriew kiba la leit ban mihkhmat ia ka jylla. Kine ki arngut ki samla ki don jingkyrmen ba kin wanrah burom ia ka jylla, bad kin iohlad ruh ban mihkhmat ia ka ri India ha ka rynsan jong ka pyrthei.
Facebook
Instagram
Youtube
Twitter
Leave a Reply