Yn leit shaw noh ia ki samla pule na Sikkim ba syllad ka jingshlei um: Paul Lyngdoh

Syllad | The Rising MeghalayaOctober 6, 2023

U nongaiktien ka sorkar MDA u Bah Paul Lyngdoh haka sngi Thohdieng u la pyntip ba ka jingpynkhreh kala iaid shakhmat na ka bynta ban leit shaw noh ia ki samla pule napoh Sikkim hadien ka jingjingjia shlei um ba shyrkhei.

“Hadien ba kane ka khubor ka la poi sha ka sorkar jylla, ngi la phah ia ki jingdonkam kiba iadei bad ka leit ka wan na ka bynta ban shaw noh ia ki samla pule kiba la sahkut ha Sikkim hadien ba ka jingshlei um ba shyrkhei ka la syllad ia kane ka jylla,” ong u Bah Paul.

“Katba ngi dang iakren, la shimti noh ia kine ki samla pule,” ong u Bah Paul. “Da kaba pynshong nongrim halor ki jingai jingmut ba ki dei ban mih noh mardor napoh Sikkim, ngi la shimkhia mardor bad ngi kyrmen bad tang hapoh ka 2-3 sngi yn lah ban pyndep ia kane ka jingpynkynriah,” u la ong shuh shuh.

Ka Sorkar Meghalaya ka la pynbna ruh ba la pyntreikam ia u helpline number 1800-345-3644 na ka bynta ki nongshong shnong bad ki samla pule na ka jylla Meghalaya kiba don hapoh Sikkim kiba lah ban donkam ia ki jingiarap namar ka jingjia shlei um shyrkhei ha kane ka jylla.

La kyntu ia kine ki nongshong shnong ne ki samla pule ka jylla ba kin phone sha une u nombor lada ki donkam ia ki lad jingiarap namar katei ka jingjia shah pynjulor.Nalor kata ki nongshong shnong bad ki samla pule kiba donkam kyrkieh ia ki jingiarap ki lah ruh ban phone sha ka Mrs A. Ali, Additional Director of Higher and Technical Education, ka sorkar  Meghalaya ha u  no: 98630 63305 bad u Bah F. B Ramsiej, Deputy Director Higher and Technical Education, Sorkar Meghalaya ha u No: 7005037347 khnang ban lah ban shim ia ki sienjam kiba donkam.