Yn khynra ka bor synshar district West Jaintia ïaki dukan burieh mar bad die rem iaki marbam

Syllad | The Rising MeghalayaJune 8, 2021

U Chairman jong ka District Vigilance & Price Monitoring Committee, uba long ruh u Deputy Commissioner, West Jaintia Hills District, u Garod LSN Dykes, IAS, ula pynmih iaka hukum haka sngi ba Ar ba ha kano kano ka por kan pynlong iaka jing khynra ia ki dukan kiba die rem dor bad kiba burieh ia ki mar bam mar dih hapoh ka district.

U ma Garod haka hukum kaba ula pynmih ula ong ba hadien ka jingwan lynsher ka khlam COVID-19 haka sien kaba ar hapoh ka district bad ka jylla baroh kawei ka bor district kan hap ban pynthikna ba ki marbam mardih ki biang hapoh ka district. Ban khanglad iaka jingdie rem dor bad ka jingbuhrieh ia ki marbam mardih, ula bthah ia baroh ki dukan dielang bad khutia ba kim bit satia ban burieh iaki mar lane ban die die tuh bad ki dei ruh ban pynbiang iaki mar hapoh ki dukan jong ki khnang ban iada naka jingduna marbam mardih bad kim dei satia ban die palat iaka MRP ne ka dor ban die hapoh ka district.

Ka hukum ka ong lada lap ia kino kino kiba buhrieh iaki marbam mardih bad die rem dor iaki mar yn pynshitom iaki katkum ka kyndon aiñ  jong ka Essential Commodities Act 1995 and section 188 jong ka Indian Penal Code.

Ki nongthied jingthied ki dei ban deng ia ki Mask bad ruh ban ieng jngai iwei na iwei kumba 2 meters eiei. Ki nongdie dukan ki  dei ruh ban buh ia ki Hand sanitizer ha ki dukan ki khnang ba ki nongthied jingthied ki lah ban pyndonkam. Ki bym kohnguh ia ki jingbthah yn nym shah ia ki ban rung ha ki dukan.