Yn khang shipor iaka surok Laitlyngkot-Lyngkyrdem naduh 9-13 tarik Jylliew

Syllad | The Rising MeghalayaJune 6, 2025

Ka ophis jong ka Sub-Divisional Officer (C), Pynursla Civil Sub-Division, kala pyntip paidbah ia baroh ki nongleit nongwan ba yn khang shipor iaka surok naduh ka 9 tarik haduh 13 tarik Jylliew ia shilynter ka surok Laitlyngkot-Lyngkyrdem ban iaid beit iaid ryntih ka jingshna surok.

Kane ka jingshna iaka surok ka long na Laitlyngkot-Lyngkyrdem (Chainage Km 24+400 haduh 37+000).

Ka por khang iaka surok ka long naduh ka por 08:00 AM haduh 11:00 AM bad 01:00 PM haduh 04:00 PM.

“Ka jingkhang shipor ka long kaba donkam eh ban pynthikna ba ka jingshna surok kan iaid beit iaid ryntih, bad khamtam eh na ka daw ka jingdon ki bynta ba syier ha shilynter ka surok—kaba donkam ban pynkhuid bad pynbha,” la ong ka SDO haka jingpynbna bad kala kyrpad ia baroh ki nongleit nongwan ba kin ai ka jingïatreilang da kaba khreh biang por ia la ka jingleit jingwan ha kitei ki sngi, na ka bynta ka jingmyntoi lang jong uba bun ba lang ban ioh pyndep biang por iaka jingshna surok.