Yn khang ka JHADC iaka JUD cement

Syllad | The Rising MeghalayaMarch 26, 2021

U CEM Jaintia Hills Autonomous District Council, (JHADC) Ma Thombor Shiwat ula ong ba shen ka konsil kan khang noh iaka JUD Cement kaba don ha Narpuh Elaka.

Ia kane ula ong haba jubab iaka jingkylli kaba wanrah da u Lakhon Biam ha iing dorbar haka sngi Thohdieng halor ka kam renew NOC jong ki Kharkhana dewbilat.

“Ki kharkhana kiba la renew NOC dei ka Topcem, Dalmia, Hill cement, Amrit cement, Star cement, Goldstone, Green Valley,” ong u CEM.

“Ka JUD cement pat kam shym la bud ryntih iaki kyndon ka konsil bad la rai ban khang noh iaka bad ngi dang ap iaka rai ka MSPCB,” ong u ma Thombor Shiwat.