Yn jurip ka bor synshar district WJH iaka dheng kali ha Jowai

Syllad | The Rising MeghalayaSeptember 29, 2022

Ka jingialang kaba la khot da u Deputy Commissioner, West Jaintia Hills District Bah BS Sohliya kala rai ban pynlong da ka joint inspection ne ka jingjurip haka jingiadonlang ki engineer ka PWD bad Transports ban shim jingkhein iaka daw ka jingdheng kali na ki speed breaker ha sor Jowai.

Ha ka jingialang kaba long haka sngi Palei, la khlieh da u Deputy Commissioner, Bah BS Sohliya haka jingiadonlag u Superintendent of Police  Bikram D Marak, MPS, oiphisar na PWD bad na Transport. Ha kane ka jingialang la rai ban pynlong iaka jingjurip haka por bun kali haka 6 tarik u bnai Risaw.

Hadien kane ka jingjurip yn shim ia ki sienjam ban weng ia kine ki speed breaker ne ban pynjem iaki speed breaker ban suk ka iaid ka ieng ki kali, kaba wanrah iaka jingsuki ka rukom iaid ki kali ha sor Jowai, la iathuh u Deputy Commissioner, Jowai.