Yn ïashimbynta ka MLPFT haka 67th BN. Mullik Memorial ha Kerala

Syllad | The Rising MeghalayaJanuary 22, 2019

JOWAI: Ka kynhun alehkai jong ka MLPFT kan leit ban aireng sha ka “67th BN. Mullik Memorial jong ka All India Police Meet Football Tournament 2018-19 kaban sdang haka 28 Kyllalyngkot haduh 7 tarik Rymphang 2019 ha Malapuram Kerala.

U Coach ka kynhun MLPFT u Bah Kyrsoi Mawphniang ula ïathuh ba kin mih na Jylla da ka jingkyrmen ban wanrah nam burom na kane ka lympung. Baroh kawei ka kynhun kala long kaba pynkhreh ban leit ïakhun ha katei ka lympung.

Kane ka kynhun ka don ki pleiar thymmai kiba la ïalehkai haka Shillong League kaba pynkhlain shuh shuh ïaka kynhun Bisharlang Kharumnuit u ba ju ïalehkai na ka Rangdajied FC, U Chesterfield Nongdhar ba ju ialeh kai na ka Nangkiew irat, u Aldrin Ramsiej, u Everest Rynjah, u Everywell Khongjee, u Pynshai Kharshiing u ba dei ruh u Goalkeper.

Ki pleiar ba rim ki kynthup ïa u Niwan o Gatphoh, u Teibor Siangshai, u Donbok Khamdeit bad u Ambrose Syngkli u ba dei u Defender.  U Bah Kyrsoi ula ïaroh ïaka sur ïalehkai ba itynnad u Aldrin Ramsiej uba 21 snem ka rta u ba dang sdang khie rasong haka kam ïalehkai ka jong  wat la um pat ioh ban ïalehkai na ki club ba heh haka jylla. Kiwei pat ki pleiar kilong u Honour Lucky Nongbri, u KiKi Syiemlieh,U Noraius Kharumnuit, u Denis Mawphniang, u Ramos Ingti bad u Rapioki Suting.

U Bah Kyrsoi ula ai khublei ïa ïa ka Commandant badon burom jong ki I Kong C Lyngwa bad u DSP u Bah EB Kyndiah kiba ba la ai mynsiem ïaka kynhun.