Yn iaknieh nam lahduh ka North Liberty haki ar kyrdan, ka St. Dominic vs Govt. Boys’

Syllad | The Rising MeghalayaJune 13, 2025

Ka lympung ïalehkai jong ki khynnah skul kaba tip kum ka ‘District Level Inter School Subroto Mukherjee Cup Football Tournament-2025’ kala jam noh sha ka jingiakhun final ka ban long haka 13 tarik Jylliew ha Kiang Nangbah Stadium, Jowai.

La pynïaid ia kane ka lympung da ka ophis u District Sports Officer (DSO, West Jaiñtia Hills District.

Ka jingiakhun final kan sdang naduh ka por 9 baje mysntep.

Haka kyrdan Under-17 (Girls) kan long hapdeng ka Kiang Nangbah HS School pyrshah ïa ka North Liberty HS School.

Ha ka Under-17 (Boys) Marian Hill HS School pyrshah iaka North Liberty HS School.

Katba ha ka kyrdan Under-15 (Boys) ka St. Dominic HS School pyrshah iaka Govt. Boys HS School.

Haba phai sha ka jingïakhun semifinal kaba la long haka 12 tarik Jylliew, haka Under-15 (Boys) ka St. Dominic H/S School kala jop da 1-0 kol ïa ka H.K. Singh Memorial Secondary School. Katba ka Govt. Boys H/S School kala jop da 2-0 kol ïa ka Laishnong H/S School.

Ha ka Under-17 (Boys) ka Marian Hills H/S School kala jop da shikol 1-0 ïa ka Sawlyngdoh H/S School.

Katba North Liberty H/S School kala jop da ka jingïashut tie breaker da 9-8 kol ïa ka Kiang Nangbah H/S School.