Yn iaknieh nam lahduh ka Efty Utd bad ka Lion haka Open To All Cricket ka WJHDCA
Ka Efty United XI bad ka Lion Sports Youth Affairs kila buh jaka ialade haka kyrdan jong ka final haka Open To All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi.
Kane kala wan hadien ba ka Efty Utd kala pynliem iaka Friends Utd haka semifinal kaba nyngkong kaba long haka sngi Nyngkong, katba ka Lion kala jop iaka Moodymmai haka jingiakhun kaba long haka sngi baa r.
Ka Lion kala jop pyrshah iaka Moodymmai da 27 run. Ka Lion kaba la tied nyngkong kala kamai 276 run. Nik Dan ula kamai 109 run bad u Deibormi Rangad 93 run.
Ka Moodymmai haba la poi ka pali jong ka ban beh iaka thong kala kamai 249/8 na ka 35 over. Ki nongtied kiba la synniang run ki dei Daowan Passah 41 run bad Ribok Hynniewta 39 run bad u Heimonlang Lyngdoh 34 run.
U Peterson Lamare ula khur 3 wicket bad u Firstbornson Dkhar 2 wicket. Katba naka Moodymmai u Ribok ula khur 3 wicket bad u Heimonlang 2 wicket.
Ka khusnam man of the macth la ioh khur da u Nik Dan.
Ka jingiakhun final kan long haka 5 tarik Jymmang.
Facebook
Instagram
Youtube
Twitter
Leave a Reply