Yn iaknieh ka Dulong bad Mulang Ialong iaka Independence Day Cup ka WJDSA

Syllad | The Rising MeghalayaAugust 13, 2023

Ka Mulang Ialong bad Dulong kila jam noh sha ka final ban iaknieh iaka nam lahduh haka Independence Day Cup Under-17 Football Tournament kaba pyniaid da ka West Jaintia District Sports Association (WJDSA).

Kane kala wan hadien ba ka Dulong bad ka Mulang Ialong kila jop iaka jingikhun semifinal kaba long haka sngi Saitjain ha Kiang Nangbah Stadium.

Haka jingialehkai semifinal ba nyngkong ka Mulang Ialong kala pynliem da 2-0 iaka Mukhla Raij da 2-0. Ia kine ki kol la thep da u Charelang Mulieh 43′ bad Chalet Phawa 54′

Haka jingiakhun semifinal kaba ar, ka Dulong kaba heh ka bok ka nusip kat u prah kala pynliem iaka Demthring haka tie breaker da 2-0. Ka jingiakhun haka por kaba buh kala wai khlem don mano mano ba ioh ban pynkhih iaka jar.