Yn iakhun MDC u Khroo Lamsalanki Pariat

Syllad | The Rising MeghalayaJanuary 18, 2025

U Khroo Lamsalanki Pariat, ba shong ba sah ha Tympang Iawmusiang, Jowai ula pynbna ia ka rai ban iakhun iaka elekshon MDC sha ka JHADC ka ban long ha ka 21 tarik Rymphang.

U Khroo ula pyntip ba un mih madan ban ïakhun kum u kyrtong shimet na ka 17-Jowai North Constituency.

Ki mat bad thong jong u, ka long ban pynkhlain iaka riti dustrur, ban iada iaka khyndew ka shyiap, ki um ki wah, ban kyntiew iaka ioh ka kot, ka pule puthi nalor kiwei kiwei.

Lah ban kdew ba u Khroo u don bynta ha ki kam shakri paidbah bad u dei u president jong ka seng Khooid Ya Ka Wah Myntdu (KYKWM), kumjuh u nongaibuit ka seng Muster Roll, ki nongbylla sngi, bad ki nongshet ja Mid-Day Meal ha ki skul bapher bapher bad u president ki Waheh Kur Ri Jaintia, nalor kiwei ki kam shakri haka imlang sahlang.