Yn ïakhih ka MUPSTA ha baroh ki district headquarter

Syllad | The Rising MeghalayaFebruary 15, 2022

Ka synjuk ki nonghikai Meghalaya Upper Primary SchoolTeachers Association (MUPSTA) ha ka jingialang  Central Executive Committee kala rai ban iakhih biang da kaba shong kyllain myngngor haka 25 tarik une u bnai ha baroh ki district headquarter jong ka Jylla.

Ia kane ka rai ka MUPSTA kala shim haka jingialang CEC kaba la long haka 10 tarik Rymphang 2022 ha Mawkhar Christian Hr Sec School, Mawkhar, Shillong ban pynbor iaka sorkar ban pynioh iaka mat jingdawa ba kynthup ban kyntiew deficit noh ia baroh ki  844 tylli ki Adhoc Upper Primary School ha Jylla.

U Ma EG War Organising Cum Publicity Secretary MUPSTA ula ong kane ka jingiakhih ka long kum shibynta ban pynbor ia ka sorkar ban pynurlong noh ia ki jingdawa jong ka MUPSTA bad ula khot ka wer ia baroh ki unit ka MUPSTA ban mih paidbah ryntih ban shong kyllain myngngor hala ki jong ki district head quarter.