Yn iaid paidbah ka JSM ha Jowai ban pynbor iaka sorkar ban kynriah iaka khyrdop KAAC ha Khanduli

Syllad | The Rising MeghalayaJuly 13, 2023

Ka Jaintia Students’ Movement (JSM) kala rai ba kan bteng iaka jingiakhih tad haduh ba ka bor district jong ka West Jaintia Hills bad ka sorkar Jylla kin weng iaka khyrdop khrong khajna ka KAAC ha Khanduli.

Ka jingiakhih shong kyllain mynngor ka Jaintia Students’ Movement (JSM) kaba la poi sha ka sngi kaba lai haka sngi Balang. Kala ioh ruh ka jingkyrshan u nongshong ka Khanduli uba la wan hiar kynthei bad shynrang ha Jowai ban shong kyllain myngngor ha phyllaw JHADC bad ha khmat DC ophis Jowai.

Ka shnong Khanduli ka dei kaba shah ktah na kane ka jingbuh khyrdop ka KAAC. Hadien ba ka Khanduli kala pyrshah iaka khyrdop, u paid Karbi ruh ula khang pyrshah ba kin rep riang ha ki jaka rep kiba don ha ki jaka ba bun ki jaidbynriew Karbi. Kane ka jingiakynad hadpeng ki Karbi bad Pnar kala neh la lai bnai bad baroh arliang kila khang iaka leit ka wan hadpeng ki ar jaidbynriew bad ban sangeh ka khaii khaba.

Ka JSM kala pynbna ban bteng iaka jingiakhih pyrshah haka sngi Palei bad kala rai ban iaid paidbah na Wah Gate haduh DC ophis Jowai.