Ym pynkhuid shnong ha Bakur

Syllad | The Rising MeghalayaDecember 18, 2023

Ka Executive Committee jong ka Dorbar Shnong Bakur, ha ka jingialang kaba la long haka 16 tarik Nohprah (December) 2023 ka la shim ia ka rai ban pynlong ia ka jingpynkhuid shnong kumba ju long man la u snem ha ka 19 Nohprah 2023 naduh ka 9:00am mynstep.

U Waheh Shnong Bakur, Bah Wespar Lamin ula kyntu ia ki nongshong shnong ban ia mih paidbah ha kane ka sngi bad kumjuh ruh la kyntu ia baroh ki dukan, ki nongshong iew ban khang khyrdep ia ki dukan jong ki bad kumjuh ruh ia ki driver kali kamai ban sangeh shipor ban kamai tad haduh ba la dep ban ka jingpynkhuid shnong.

La khot la wer ia baroh ban ia snohkti lang ha kane ka sngi kum shibynta ban pynkreh ia ka jinglehkmen Khristmas bad snem thymmai.