Ym pat don ba wan kam ia ka metiap jong uwei na ki 4 ngut kiba shah pyniap ha East Jaintia Hills

Syllad | The Rising MeghalayaJuly 10, 2024

Haduh mynta ym pat shym la don satia ki ban wan kam ia ka metiap jong uwei napdeng ki sawngut ki briew kiba la shah pyniap dusmon ha ka shnong Umpleng, East Jaintia Hills District.

Ha kaba iadei bad kane ka jingjia shah pyniap, u Superintendent of Police ka East Jaintia Hills u pyntip ba ha ka step 6 tarik Naitung, ki nongshong shnong ki la lapdien ia sawtylli ki metiap ki bym lah ban ithuh kiba la shah pyniap dusmon da kaba shah mat da ki kynja wait na lyndet jong ka iew Umpleng, East Jaintia Hills.

Hadien la pyndep ia ka jingleh post mortem ia ki laitylli napdeng ki sawtylli ki metiap ia kiba la lah ban ithuh bad wan kam da kiba haiing hasem. Hynrei, haduh mynta ym pat shym la don satia ki ban wan kam ia kane kawei pat ka metiap kaba dang don haduh mynta hapoh ka jaka buh metiap hapoh Civil Hospital Khliehriat.

Une u u lanot bym pat lah ban tip kyrteng u dei uba la don ha ka rta 21-24 snem, u don ka ryngieng 5.5 phut, uba met pdeng briew, kham dum sniehdoh, u phong da ka T Shirt rong iong bad ki dak thohlieh, u phong ka palun lyngkot kaba iong.

Kumta la kyntu ia kino kino kiba ithuh ne don jingtip ha kaba iadei bad une u lanot kin sngwbha ban phone mardor ne Whatsapp: 7085809941, Email Address: [email protected].