Ym don ki sakhi kiba skhem halor ka jingtih dewiong beain ha ka Jylla

Syllad | The Rising MeghalayaJanuary 8, 2025

U Chief Secretary ka jylla u Bah DP Wahlang ha ka 7 tarik Kyllalyngkot u la ong ba kam don satia kano kano ka sakhi kaba skhem ban pynshisha ha kaba iadei bad ka jingdon jong ka kam tih dewiong beain hapoh ka Jylla.

Haba kren sha ki lad pathai khubor, u Bah Wahlang u la ong, “Ki khubor ki bteng ban mih halor ka kam tih dewiong beain. Man la ka por ba ngi ioh ia kum kine ki khubor, ngi ju kyrpad ia ki Deputy Commissioner ban shimkhia bad ban leh ia kaba donkam.”

“Katkum ka jingtip jong nga bad katkum ka jingtip jong ka sorkar, ym don satia kano kano ka sakhi kaba skhem ba ka jingtih dewiong beain ka dang bteng haduh mynta,” u la bynrap.