Ym bit ban ai residential certificate ia ki bym dei Khasi Jaintia: KHADC

Syllad | The Rising MeghalayaAugust 11, 2023

Ka Executive Committee, Khasi Hills Autonomous District Council ka la pynmih ia ka jingbthah ia ki rangbah shnong hapoh ka jingkhmih jong ka halor ka rukom ai residential certificate sha ki briew ki bym dei na ka jiadbynriew Khasi Jaintia.

Katkum katei jingbthah bala pynmih da ka KHADC, ym bit ban ai Residential Certificate (syrnot) ia kino kino ki briew ki bymdei na ka jaitbynriew Khasi-Jaintia na ka bynta ban leit pan ia ka Permanent Residential Certificate/Domicile Certificate khlem da rai lyngba ka Executive Dorbar jong ka Shnong.

Shuh shuh, ia ka Residential Certificate dei ban ai tang ia kito kiba la shong shnong ym duna ia ka 12 (Khadar snem) bad dei ban da soi ym dună la ka 2/3 ki dkhot jong ka Executive Dorbar Shnong.