Yaroh u yahkhmat ka liang pyrchah yei kam wabha ka Meghalaya Legislative Assembly

Syllad | The Rising MeghalayaFebruary 6, 2024

U Ronnie V Lyngdoh, kam u yahkhmat ka Liangpyrchah hapoh ka yung Dorbar chna ain ka Jylla da yaroh u yei rukom krehkam ka Yung Dorbar hei wow wanrah nae pynkrehkam ya ka National eVidhan Application (NeVA) wow lait nei pynemkam kot sada wow rekod iei klam hapoh dorbar.

Yeini u Ronnie V Lyngdoh da khana u wa heiyatoh wa i rukom pynkrehkam ya  ka National eVidhan Application (NeVA)  haka 5tarik Thohlakhmi da ioh u yei sikai nae training lyngba ki bru stad bru chemphang ka IT Cell, Meghalaya Legislative Assembly Secretariat ha Conference Hall iong ka Adminsitrative  Block, Meghalya Legislative Assembly, Khyndailad , Police Bazar.

Ha lyndet ini da yaroh u leh ya u Thomas Sangma, Speaker Legislative Assembly wa kamjooh ya ki heh ka Meghalaya Legislative Assembly Secretariat yei wada ye ki u wanrah NeVA neibynta ka rukom krehkam ka wow pynsuk wei yarap chiboon ya ki dkhot ka Yung Dorbar hei wow phah ya ki Jingkylli nae i kynthoh hei por chong dorbar. Heijooh i por man ko leh kam wi na ki lad wow yada iaka bei ramaw.

Chooh chooh ong u leh kam wa ka thong i wanrah ya kani ka buit nae rukom krehkam wa thyme hapoh ka Yung Dorbar toh wow pynsuk, pynsmat wei pynjan yei rukom krehkam ka yung dorbar, kyrmen yooluti u wa i wa miat wabha tam u ioh i ki u ioo u sakhi.