WJDSA: Rung quarter final ka Ladthadlaboh Demthring haka U-17, jop ka Kseh Sylle bad Madankynsaw haka Third Div

Syllad | The Rising MeghalayaAugust 4, 2023

Ka kynhun ialehkai ka Ladthadboh bad ka Demthring kila lah ha kaban buh jaka ialade haka quarter final jong ka Independence Day Cup Under-17 Football Tournament, katba ka Kseh Sylle bad ka Madankynsaw kila jop haka Third Division Football kiba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Ka shikol u Helpme Syntem 43’ kala biang pura iaka Ladthadlaboh ban pynliem iaka da 1-0 iaka Sohmynting, katba ka Demthring kala pynliem da 1-0 iaka Dongmihsngi ha kaba ia kane ka kol la thep da u Olanroi Suting 58.

Da kane ka namjop baroh ar tylli kine ki kynhun kiba lah ha kaban buh jaka ialade haka quarter final jong ka Under-17.

Haba phai sha ka Third Division, ka Kseh Sylle Ialong kala jop da 2-1 Tympang. U Wanbiang Suchiang 3’ bad u Niawki Phawa 70’+1 kila thep ia kine ar kol. Shikol na ka Tympang la thep da u Niwan 00 Lamare 49’.

Ha kawei pat ka jingialehkai ka Madankynsaw Mowkyndeng kala jop da 2-0 iaka Mookaswan Dongwah. Ia kine ki ar kol ka Madankynsaw la thep da u Chareson Tyngkan 32’ bad u Dangri Phawa 68’.