WJDSA: Ka Khliehmuchut shaka semifinal Second Division, jop ka Niaw Wasa haka Invitation Football Tournament

Syllad | The Rising MeghalayaSeptember 14, 2023

Ka Shangpung Khliehmuchut ka dei sa kawei ka kynhun kaba la buh jaka ialade haka kyrdan semifinal hadien ba kala pynliem da 1-0 iaka Khliehmynkrem haka Second Division Football Tournament kaba pyniaid da k West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ka Niaw Wasa pat kala jop da 2-1 iaka Jarain haka (L) Kesilroy Pala Invitation Football Tournament.

Haba phai sha ka jingioh khur namjop ka Shangpung Khliehmuchut, ia kane ka shikol kol la thep haka minit kaba khatduh 90’+3 lyngba u Banteilut Langstang kaba la biang pura iaka ban rung sha ka semifinal.

Ia ki kol ka Niaw Wasa la thep da u Niponghi Sumer 48’ bad u Samehi Ryngki 76’. Katba ka shikol jong ka Jarain FC la thep da u Oresterwell Langshiang 44’. Da kane ka namjop ka Niaw Wasa kala buh jaka ialade haka quarter final ha kane ka jingialehkai.

Haka 15 tarik Nailur, haka second Division ka Maitchaphrang Mootyrchiah kan iakhun pyrshah iaka Chutwakhu haka por 11: 30 AM.

Haka Inviatation Football pat, ka Tpep Swer pyrshah iaka Mihmyntdu FC haka por 2 pm.