WJDSA: Jop ka Mukhla Evergreen haka First Div, iakhiad Niaw Wasa Utd bad ka Khimusniang haka Super Division

Syllad | The Rising MeghalayaOctober 24, 2023

Ka Mukhla Evergreen kala jop da 2-0 kol iaka Sabahmuswang haka First Division Football Tournament, katba ka Niaw Wasa Utd kala iakhaid bad ka Khimusniang da 1-1 haka Duper Division Football Tournament. Baroh ar tylli kine ki lympung la pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ki ar kol ka Mukhla Evergreen la thep da u Kitboklang Phawa 33′ bad u Nidaioh Dhar 73 kiba la biang pura iaka ban khur iaka jingjop pyrshah iaka Sabahmuswang.

Haba phai sha ka jingialehkai Super Division Football Tournament, ka jingïakhun ka la kut da ka jingiakhait kaba mar 1-1 hapdeng ka 7 Wasa United pyrshah ïaka Khimusniang.

Ka Khimusniang ha kane ka jingiakhun kala tam shakhmat naduh ka kylla step lyngba ka kol kaba la thep u Lastborn Suting tang hapoh 6′ minit bala iaid ka jingiakhun. Dei haka kylla miet ka Niaw Wasa United kala tan kylla iaka jingiakhun sha kaba iakhaid lyngba ka kol kaba la wan na u Samehi Ryngki 72′. Da kane ka jingiakhaid kine ki arliang kila hap ban sam noh iaka poin.

Haka 25 tarik ka jingïakhun First Division kan long hapdeng ka Moosyiem Shangpung pyrshah iaka Mookyndur haka por 12.00 baje mynsngi, haka Super Division ka jingïakhun kan long hapdeng ka Mynthong bad ka Sailung Ïalong haka por 2.00 baje nohphai sngi.