WJDSA: Jop ka Sohmynting haka First Div

Syllad | The Rising MeghalayaNovember 4, 2023

Ka Sohmynting kala jop da 1-0 iaka Lutituber, Ialong haka jingialehkai First Division Football Tournament-Chatister Kharkongor Memorial Trophy 2023 kaba pyniaid da ka West Jaintia District Sports Association (WJDSA) kaba long Kiang Nangbah Stadium haka sngi Saitjain.

Ia kane ka shikol ka Sohmynting ka la ioh ban thep haka kylla miet shuwa ban wai ka por iakhun lyngba u Kyrshan Sumer 87′.

Kane ka jingialehkai kan jam noh artad sha ka semifinal ha kaba ka resol kaba na ki jingiakhun haka 4 tarik kan ai iaka rai. Ka jingialehkai kaba nyngkong kan long hapdeng ka Khliehiongriang pyrshah iaka Wahiajer haka por 11.45 baje mynstep. Kawei pat ka Dulong pyrshah iaka Moosalyngkat haka por 2.00 baje nohphai sngi.