WJDSA: Jop ka Sailung Ialong haka Super Div, ka Sabahmuswang haka First Div

Syllad | The Rising MeghalayaNovember 1, 2023

Ka Sailung Ialong kala jop da 4-1 iaka Nangbah Mulang haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ka Sailung Ialong kala thep ia kine ki saw kol lyngba u Arwan Rymbai 16′, u Bachan Pale 50′, 69′ bad u Casper Lhuid 90’+4. Katba ka shikol jong ka Nangbah Mulang la thep da u Albert Lyngdoh 77′.

Ka namjop Sabahmuswang kala wan hadien ba kala pynliem da 6-1 iaka Moosyiem Shangpung haka jingialehkai First Division Football Tournament.

U Chare Mulieh ula khyrwit da ka hattrick kaba la pynlong Sabahmuswang ban ioh khur jingjop ba bun kol. Marwei u Chare ula thep lai kol haka minit kaba 85′, 89′ & 90’+2′, u Wanmiki Lyngdoh ar kol 79′ & 81′ bad shikol na u Needful Shylla 74′

Shikol na kaliang ka Moosyiem Shangpung la thep da u Shickel Langbang 77′.

Haka 1 tarik Naiwieng 2023, ka jingiakhun First Division kan long hapdeng ka Mookyndur bad ka Demthring haka por 12.00 baje mynsngi. Ka jingiakhun Super Division kan long hapdeng ka Mynthong bad ka Ladthadlaboh haka por 2.00 baje nohphai sngi.